2017年起第24注,股價比上月初升左些少...悶聲發小財!
RMB兑換價只係起0.885-0.89水平上落,中美貿戰暫停90日,我個人看法都係唔多信商人出身既特朗普做既承諾,佢為左自己利益絕對可以2面呃(中國&美國選民),近期更吸引眼球既應該係華為太子女被夾,做左人質...
RMB國際化計劃需要一定時間,匯價走勢相信短期波幅都唔會太平穩...,但我維持中長線睇好RMB既睇法...(因為我堅信就算中國唔係2025崛起,都唔會係2025末落...)
平均月收入突破RMB1000,希望RMB被動收入佔比越發提升...
10年20年後,好可能會感恩宜家有密密增持儲貨既機會,提升RMB起自己資產既佔比作合理分散風險…<<<呢句唔會DEL,長留提醒自己!!!
箇中明箇理,前路燈耀明...
數據如下圖:
2017年起第23注,股價起區間升跌...一個字---悶!
RMB兑換價再跌,去到0.885-0.89水平,中美貿戰因特朗普鬆口或有轉機,但我個人就唔多信商人出身既特朗普做既承諾,始終之前佢已試過出口術反口,而我相信中國領導層唔會因特朗普三言兩語就改變RMB國際化計劃,RMB匯價走勢短期波幅因此可能擴大...,但我維持中長線睇好RMB既睇法...(因為我堅信就算中國唔係2025崛起,都唔會係2025末落...)
10年20年後,好可能會感恩宜家有密密增持儲貨既機會,提升RMB起自己資產既佔比作合理分散風險…
滴水可穿石,執者在其心...
數據如下圖:
2017年起第22注,股價起連續跌市環境下下試$3.1水平...今次收息收左1784股,付出手續費$27.56...
RMB兑換價再跌多0.01,去到0.88-0.885水平,中美貿戰越睇越似只係手段,背景其實似係貨幣戰多D,RMB國際化進程如一直順推,會直接影響美元國際貿易/使用地位(3月尾起上海國際能源交易中心上市既RMB計價原油期貨就可以算係一個試點,下一步可以係其他商品/貴金屬...)...,維持中長線睇好RMB既睇法...(短期跌,儲貨成本會少左...)
呢一刻只能夠密密增持,提高RMB起自己資產既佔比作支持…
易是不容易,點石來成金...
數據如下圖:
2017年起第21注,87001上月除淨後股價守穩起$3.13-3.15水平...今個月等派息,當然都係收股...
以股代息價係$3.09,2%折讓...(下次收息可能考慮現金/股票混合...)
因為SCB收股息手續費如下:
1. 代收現金股息
· 如股息款額:
· 少於港幣30元/人民幣25元:股息款額或
· 港幣30元/人民幣25元或以上: 股息款額之0.5% (最低收費港幣30元/人民幣25元)
2. 代收票據股息
· 票據股息現金總值之0.5%(最低收費港幣15元/人民幣12元)
-----
禁當我單次所收股息款額高於RMB5000時,其實手續就會係RMB25以上,而我又打去SCB股票熱線一問,會否因我選擇混合收息而要雙重收費?答案係唔會,禁我之後好可能計完以最少持股收息權益換最多股數票據股息後,尾數就收現金算...
以前有買過既80737 5月份因公眾持股不足而停牌,最近終於復牌,消息又起眼前經過,令我又關注返佢一下...
RMB兑換價維持0.87-0.875水平,中美貿戰升溫,未見緩解,美國加息預期越發明顯,連帶部份港銀都上調定存息率準備...,維持中長線睇好RMB既睇法...(短期跌,儲貨成本會少左...)
變變是化化,時也稍待時...
數據如下圖:
2017年起第20注,87001除淨後股價守穩起$3.13-3.15水平...
老調重彈,退休Plan,希望有能力一直儲儲儲,轉工收入下降唔影響我儲佢既決定...
暫時只可維持每月儲1手,再每次都以股代息去儲住先,希望不久將來每月有閒置資金可提高返儲蓄水平...
RMB兑換價插落0.87-0.875水平,下跌幅度加劇(中美貿戰升溫,美國加息預期越發明顯...),但唔好意思,我都係維持中長線睇好RMB既睇法...(短期跌,我儲貨成本仲少左...)
易是不容易,變變是化化...
數據如下圖:
2017年起第19注,87001股價平穩起$3.17-3.19水平...,不過唔影響我儲佢既決定...
月月儲,年年儲,有排儲,指望悶聲發大財,希望不久將來每月有閒置資金可提高返儲蓄水平,
RMB兑換價落返0.845-0.85水平,下跌幅度加劇(中美貿戰,美國加息預期越發明顯...),我當然維持中長線睇好既睇法...(退休Plan黎嫁....)
睇住每月入完貨個預計股息收入慢慢上升,感覺很滿足...
行行是繼繼,點石來成金...
數據如下圖:
2017年起第18注,87001上月尾派息,股價上左$3.17-3.19水平...派送安排都係以股代息,以股代息價$3.04,以除淨時持股,換到1397股,銀行收息手續費$21.25(之前收息金額太低.一直收$12最低手續費),月月儲,年年儲,有排儲,指望悶聲發大財,希望不久將來每月都有閒置資本提高返儲蓄水平,RMB兑換價返左0.818水平,略為下跌,維持中長線睇好既睇法...
慎慎是行行,抽絲來剝繭...
數據如下圖:
2017年起第17注,87001上月尾除淨,股價暫時仲企起$3.1-3.13水平...到左今個月21號係派送日,都仲有排儲,期待悶聲發大財,希望不久將來又可以有閒錢可以回復高儲蓄水平,RMB兑換價又返左去3月份0.812水平,維持中長線睇好既睇法...
夏來炎天至,蓮塘十里香...
數據如下圖:
2017年起第16注,87001上月尾除淨,股價暫時仲企起$3.1-3.13水平...RMB相比上月兑換價0.812,仲係升值,去到得返0.8,後市走勢就真係難估,如果無近月中美貿易風波的話,短中長線我都十分睇好,宜家短線就好睇呢場貿易戰打唔打得成,中長線我就維持睇好...
匯賢今年有新搞作,將委託凱悅管理旗下重慶東方廣場内之酒店項目,當然改造工程或影響短期收益,預期2019年先可以全新凱悅品牌面貌示人,其實上述改動唔算得係咩大動作,下面引述既通告先係將來既美好展望,希望會為未來公司業績帶來新驚喜...
引述通告原文:
"甘先生指出︰「該酒店是『重慶東方廣場』綜合發展項目的重要部分，而重慶東方廣場是由匯賢分別於二零一七年及二零一五年收購的重慶東廣飯店有限公司（前稱重慶海逸酒店有限公司）及重慶大都會東方廣場（前稱重慶大都會廣場）所組成。該綜合發展項目現正以匯賢位於中國北京長安街的旗艦資產『北京東方廣場』為藍本，進行大型資產增值計劃，預計於二零一九年初完成，届時重慶東方廣場將成為匯賢在中國的第二個『東方廣場』。「『重慶東方廣場』與『北京東方廣場』均擁有相同的基本組成部分，包括甲級寫字樓、一站式購物中心、設備完善的市中心服務式公寓，以及由凱悅管理的五星級酒店，預期『重慶東方廣場』將一如『北京東方廣場』般取得顯著成效。」"
時也稍待時,栽培要悉心...
數據如下圖:
2017年起第15注,87001本月股價暫時仲企起$3.2水平...RMB密密升值真係雙刃劍,尤其起我計劃初起未儲夠貨既時候...已經有少少唔捨得換大額...但希望儲少少,都唔想停...最近行落街兑換價去到0.812,同上年年頭比真係......
新工作係做公營機構,不論工作/人事環境都大變化,公司由過百人>過萬人部門由~30人>~200人,而且呢行以前完全無接觸過,咩都由頭學學學,記記記,對我黎講係挑戰,又係機遇...
87001匯賢產業信託今個月12號開大會,唔知會唔會有驚喜...
接接是續續,行行亦復繼...
數據如下圖:
2017年起第14注,87001本月股價暫時仲企起$3.2水平...RMB密密升值真係雙刃劍,尤其起我計劃初起未儲夠貨既時候...已經有少少唔捨得換大額...但希望儲少少,都唔想停...
新工作環境大變化,公司由過百人>過萬人部門由~30人>~200人,對我黎講係挑戰,又係機遇...
接接是續續,行行亦復繼...
數據如下圖:
2017年起第13注,87001本月股價或受管理人公司權益變動影響升至$3.25水平...RMB升值是雙刃劍,尤其起我計劃初起未儲夠貨既時候...
計劃永遠趕不上變化所講既係指小弟由於轉換新工,短期內收入下降,再支撐唔到月儲RMB10000禁"宏大"既計劃,所以短期內月儲額又將從低開始,以便這段時間既財務計劃調整...
RMB兑換價真係好似食左藥禁,一支箭標上,今個月換$,兑換價0.81X,同上個月比真係有些少肉赤...
拾階是拾步,時也在序中...
P.S:80737自被54出售後,自高位回落,又暫停派息,都唔知要處理幾耐...
數據如下圖:
