2017.年結,及2018年展望

基本上都係一張圖整合曬...

87001 匯賢產業信託,買左26000股,591股以股代息收回,帳面睇回報~3.6%,期內人民幣升值~7%
由於我係用以股代息收股息,實際係0現金流入,但我又想對收入做一個預估,所以就出現左圖右方既"上年度股息"(會以最近個2次派息作估算),禁就可粗略估計年收入,年回報(當然我計及既平均價係會將以往派息收益扣除在內,所以只能作直觀參考數據...)

題外話,合和實業(54)公布,向深圳投控國際資本控股基建出售合和公路基建(737)約66.69%已發行股份,總現金代價為98.65億元...不過手上已出清80737,所以唔關我事...

希望2018年有能力Keep儲貨同87001生性D...目標只係希望將人仔資產被動年收入推上家庭主動收入5%

7/12/2017截(捨得...捨得...)

2017年第12注,80737派埋息...,80737居然月頭連續2,3日成交量極低(想繼續儲都入唔到...),再睇睇737,成交量真係天與地,反正令人生厭,就把心一橫全出清(計埋派息扣埋雜費開支,好彩仲有幾百蚊落袋...)換返87001單天保至尊...計返可入7手,連埋本身月頭會入2手,同追7-12月投入缺口(預月儲1萬人仔),前後總共入左10手...

RMB兑換價仲係窄幅上落,今個月換$,兑換價0.851,同上個月差些少...
不過就無再聽到財演估人仔大跌到同港紙1兌1...

拾階是拾步,時也在序中...

數據如下圖:

號外!號外!渣打大突破...(終於有返個真．網上抽新股系統!)

今日如常登入渣打網銀,多手禁禁佢横幅,絕對驚喜,渣打終於有返個真．網上抽新股系統...唔再係得份A4文件,仲要你印完交返分行......

當然渣打繼續佢做D唔做D既特色,網上新股申請期係會早過人地完,同埋新股孖展服務,當然仲係無La......

禁當然渣打有返個真．網上抽新股系統已經係好大進步黎嫁La,期待佢慢慢新增返D市場現有好基本既服務(孖展/按股/月供)就好......

2/11/2017截

2017年第11注,80737都除淨埋,12月頭派息...,月頭收Email原來買80737收息都可以收港紙,唔知買737又可唔可以倒揀返收人仔呢??

RMB兑換價仲係窄幅上落,今個月換$,兑換價0.853,算叫靚過上個月少少...
不過就無再聽到財演估人仔大跌到同港紙1兌1...

拾階是拾步,時也在序中...

數據如下圖,

14/10/2017截

2017年第10注,87001以股代價$3.02,實收461股,已袋袋平安...80737都將會10月尾除浄,12月頭派息...現價入都收~5%息,令唔少人追入737/80737,股價都上左52周新高...我就懶D,唔做多餘野,都係每個月頭買就算...

RMB兑換價真係估佢唔到,黎個先跌後回,Keep到起0.84區間,都係對我黎講無乜So,因自己個RMB投資計劃只係剛開始...寧願佢跌返2年先...

同十九大前,周小川出黎話要鬆绑,市場化,國際化有關,始終呢個係RMB發展大方向...

數據如下圖,暫時仲係Keep住維持1個月換滙1次,每次~$10000...

16/9/2017截

2017年第9注,80737/87001都將會派息,維持原定80737收現金,增加正現金流;87001就以股代息,因為可以有2%折讓價換股...

RMB兑換價都係穏步向上,進入0.84區間,比年頭人人吹跌,倒升6%,但對我黎講無乜So,因自己個RMB投資計劃只係剛開始...更有好幾日上到0.83...

每月都講提下自己當正自己個RMB投資計劃係退休PLAN,自己唔會受呢D短線因素影響,繼續Keep going!!!等待收成期...

數據如下圖,暫時Keep住維持1個月換滙1次,但之後可能改為每季1換(每次~30000)或每月直接EBANK換(滙率差街價1%,但勝在省回排隊入錢時間,同避免收到假鈔)

17/8/2017截

2017年第8注,80737/87001都將會派息,維持原定80737收現金,增加正現金流;87001就以股代息,因為可以有2%折讓價換股...

RMB兑換價都係穏步向上,進入0.85區間,比年頭人人吹跌,倒升5%,但對我黎講無乜So,因自己個RMB投資計劃只係剛開始...

每月都講提下自己當正自己個RMB投資計劃係退休PLAN,自己唔會受呢D短線因素影響,繼續Keep going!!!

數據如下圖,暫時Keep住維持1個月換滙1次,但之後可能改為每季1換(每次~30000)或每月直接EBANK換(滙率差街價1%,但勝在省回排隊入錢時間,同避免收到假鈔):

12/7/2017截

2017年第7注,87001之前已經收左1次息,以股代息有130股,以股代息確實有折讓價換股,感覺不俗,但同時犧牲左正現金流,有見及此,正好上個月又開始嫌月儲一手太慢,打算慢慢加碼上去,就禁就決定除87001加碼月買2手外,仲買埋另一人民幣計價港股-----80737 合和公路基建—Ｒ(其實貪佢1.人民幣計價 2.唔計特別息都有4%UP,可提供正現金流 3.收人/派息穏定 4.其實人民幣計價港股真係選擇唔多...個股就更...)

RMB兑換價都係0.87水平左右,離上月頭至今,中間曾出現過0.88...
每月都講提下自己當正自己個RMB投資計劃係退休PLAN,自己唔會受呢D短線因素影響,繼續Keep going!!!

數據如下圖,暫時Keep住維持1個月換滙1次,但之後可能改為每季1換(每次10000)或每月直接EBANK換(滙率差街價1%,但勝在省回排隊入錢時間,同避免收到假鈔):

2017.上半年結

基本上一張圖整合曬...

87001 匯賢產業信託,買左6000股,130股以股代息收回,帳面睇正數,但略少...
由於我係用以股代息收股息,實際係0現金流入,但我又想對收入做一個預估,所以就出現左圖右方既"上年度股息"(會以最近個2次派息作估算),禁就可粗略估計年收入,年回報(當然我計及既平均價係會將以往派息收益扣除在內,所以只能作直觀參考數據...)

10/6/2017截

2017年第6注,已經收左1次息,當然試試個以股代息,確實開始嫌月儲一手太慢,打算慢慢加碼上去(每半年,每季,隔月加注...),RMB兑換價已經由0.89升上0.87水平,離年頭出現過既0.9越黎越遠...
今次派$0.1315,以股代息價折讓2%,作價$3.02,除淨前持有5000股,實收130股股息,手續費成本$12(SCB)
每月都講提下自己當正自己個RMB投資計劃係退休PLAN,自己唔會受呢D短線因素影響,繼續Keep going!!!

數據如下圖,暫時Keep住維持1個月換滙1次,但之後可能改為每季1換(每次10000)或每月直接EBANK換(滙率差街價1%,但勝在省回排隊入錢時間,同避免收到假鈔):

-----

題外話:為全盤財務安排,考慮中期會轉倉花旗,但小弟Lv唔多夠,而花旗既金字塔底層又收費多多,暫時未會轉...

上當受騙了...

話説手頭上有張舊既建行提款卡(仲係磁帶卡),好耐之前已甩左表面印有户口號碼既膠片(最正係照常用到,所以就無點理佢),禁上星期六終於抽到時間返開大陸順手去換,但由於呢個户口已連本人其他事務,懶得換Num既情况下,需要一星期整卡同工本費10蚊...無計,鬼叫想用返原Num...
-----
禁啱禽日又發現平時用開既大陸電話Num,居然突然無左漫游功能,得返緊急電話服務(平時用黎起香港收大陸朋友短訊電話),今日就上去打算拎回新提款卡同上去打返上10086問問乜事...
事前其實屋企人有提我話會唔會星期日唔開嫁...禁我都上定網check定,官網係寫會開,點知去到......無開,頂...居然分行改左,但官網無更新...(羅湖城建行)
-----
打上10086,佢居然話我一直無申請用漫游...(個Num跟我超過10年一直有lo...),算,解決問題重要d,叫佢幫我開返就算...最後今日只係完到一件事...

10/5/2017截(另有找換店兑錢,銀行入錢小插曲)

2017年第5注,已經成為習慣,仲有時會嫌月儲一手係未太慢,RMB兑換價起0.89上上落落,仲係未破年頭出現過既9算...
其實最新既呢次公司公告,管理層有意向回購不多於10%發行股份,而需要表決,禁係咪即係同之前管理層提及既原因相若??內地資產價格升,回報下降,令公司要揾項目回報貼低現息率既難道大增,一面增發以股代息,另一面回購股份注銷,呢個玩法好似越黎越常見...
每月都講提下自己當正自己個RMB投資計劃係退休PLAN,自己唔會受呢D短線因素影響,繼續Keep going!!!

數據如下圖,暫時Keep住維持1個月換滙1次,但之後可能改為每季1換(每次10000)或每月直接EBANK換(滙率差街價1%,但勝在省回排隊入錢時間,同避免收到假鈔):

-----

小插曲:

之前一直都起找換店兑錢,再銀行入錢(因為銀行比我兑開錢既找換店總係低水~1%)
上個月自然都係,託左屋企人經開幫手入,但其中1張被懷疑係偽鈔,家人覆述話銀行職員聲稱紙質有問題,經內部系統查唔到呢Set號碼,要3個工作天再Check.
當時我聽到,其實都打定輸數,鬼叫自己成日兑,放低戒心,可能找換店部驗鈔機無銀行禁新中左伏…仲更加想話以後用Ebank即時換就算,起碼無得假,又唔洗排隊,只係低水1%...
3天後,最終證實虛驚一場…果張係真鈔...

第一次選擇...

截止除淨日: 27/03/2017,手頭上有3000股匯賢,今次末期息分派0.1315元,以股代息作價3.02元(以股代息係有折讓2%)...

正如我開始講長期Plan,揀左以股代息...發現渣打有個小細節提升...以前想收息想以股代息係要打上CS,又要Pw先可以揀...宜家就直接上EBank搞掂,最低手續費仲平過收現金,當然手續費率是相同係0.5%,即係我要單次收息達RMB5000先2面相同收費,以今次派息計,要~38手先平衡,以目前收集速度,3年後再諗到時好唔好部份收現金部份收股票,去達至又無碎股,又有現金流既方式...

8/4/2017截

8/4/2017截,今個月開始唔會再理月尾有果一個幾毫利息..

2017年第4注,87001 匯賢股價歷經除淨,自然落左些少,RMB都係升下又跌下禁,硬係未破9算,影響微乎其微...
2016-2017年內匯賢完成新收購,符合返再上一年公司宣佈既方針,揾機會低吸酒店項目...係咪好投資要時間見證...
每月都講提下自己當正自己個RMB投資計劃係退休PLAN,自己唔會受呢D短線因素影響,繼續Keep going!!!

數據如下圖,暫時Keep住維持1個月換滙1次,但之後可能改為每季1換(每次10000)或每月直接EBANK換(滙率差街價1%,但勝在省回排隊入錢時間,同避免收到假鈔):

9/3/2017截

9/3/2017截,今個月尾有$0.98利息..

2017年第3注,87001 匯賢股價都係無乜上落,RMB有貶值趨勢.影響不大...正如上月所講,我已經當正自己個RMB投資計劃係退休PLAN,自己唔會受呢D短線因素影響,繼續Keep going!!!

數據如下圖,Keep住維持1個月換滙1次:

10/2/2017截

10/2/2017截,今個月尾有$0.89利息..

2017年第2注,87001 匯賢股價無乜大上大落,反而RMB略有回升.但影響不大...當正自己個RMB投資計劃係退休PLAN,自己唔會受呢D短線因素影響,繼續Keep going!!!

數據如下圖,Keep住維持1個月換滙1次,下下排隊存現鈔都幾耗時.呢D都係成本...

  

10/1/2017截

10/1/2017截,顧名思義就係每月計劃小結,將之前兑換RMB的時間/兑換率整合數據,其實起2016年12月中就開始並分批將手頭上RMB存入,估唔到到月尾居然有$0.26利息..

2017年先踏入第10日,阿爺就有出招干預RMB貶值趨勢,離岸拆息一度抽高,兑換價一度重升,不過今日又好似見返沽壓重現...當然自己個RMB投資計劃並唔會受呢D短線因素影響,繼續Keep going!!!

數據如下圖,估計之後只會維持1個月換滙1次,唔洗下下排隊存現鈔耗時等其他成本...

渣打.揸兜...

之前就打算2017年計劃逆市而行,走去存下人民幣,點知又遇上有不快經歴...
---
本身打算買下人民幣計價港股/滬港通/深港通禁,但一直無起香港開人民幣戶口,自己出糧/買賣股票一直用開渣打,禁就順理成章去返渣打開,(事前已知起渣打新開人民幣戶口要額外LINK到股票戶口,因朋友曾中伏,新開無LINK,又要搞一輪先收到人民幣股息(2822))

禁諗住做足功課無死LA,點知開完返去過幾日試下落盤...(咦,點解港股就有LINK新開既人民幣戶口做結算,滬港通無既),又打去問問,獲知要親身去分行補簽文件...禁今朝又晨禁早去搞,前台果位哥仔又唔識搞,起我面前打返上Hotline問...最終原來一個人民幣戶口只可做港股/滬港通單一結算,真係嘔血...火火地直接無申請走埋...

事後,我又有少少不服氣,就打去滙豐/恆生/中銀問問,原來唔係政策問題令港股/滬港通股票戶口必須獨立結算,而只係個別銀行(渣打)先禁煩...真係抵佢揸兜...

RMB投資計劃.準備

為左實行個RMB投資計劃,當然要整合手頭RMB現鈔同換返D先啟動到...下圖為12月尾,當日好多人用人仔換返港紙...真係超想起人地門口截客...

RMB投資計劃.簡略

個計劃基本:
1.每月10/15%,換人仔儲夠可買一手股票(人民幣計價股票/滬港通/深港通)就入,之後收股息就如有以股代息既股票就收股(如無就補錢加注),=分紅再投入,複息效應...年以上...
OR
2.每月直接兑換額調整成買到1手87001(約值HKD3500)...呢隻現息8.5%up,仲有得以股代息
---
而我覺得值搏原因:
1.大陸仲係發展中,而香港係已發展,計增長大陸win
2.香港基本日用品/食物都大陸輸入,揸人民幣當對沖
3.起大陸資本有外滙管制,起香港無,隨時唔對路可全兑返港紙
4.私人原因,本身每年都要用人仔,同自己資産太集中港纸同物業
---
風險:
1.人民幣貶值趨勢(商務部估今年跌5%)
2.美國加息轉強,內地走資情況可能持續
3.人民幣計價股票/滬港通/深港通,始終相對少人玩,成交量相對低,變現力略差
---
Keep住仲要Run,因為我唔估底,同我預期人民幣短期睇跌,中長期睇升...同埋只係部份收入輸都輸得起...始終對我黎講人民幣係投資+自用...

2017年開展計劃

起2016年年尾,為2017年預計開展既一個最少Run 5年計劃,走左去開人民幣户口,雙幣信用/提款卡...希望順順利利,唔好計劃趕唔上變化...
---
講就講都好似好大,其實只係打算將自己收入部份去增持人民幣資產...反正又唔多...(我擺到明係盲牛,同大鱷大媽對着幹...人人走,我入...)
---
目標係5年內大幅提升人民幣起自己資產中比例(當然係相對宜家計)
---
個人睇法:近1,2年人民幣相對現價睇跌,但到2022年去睇,人民幣相對現價會升突好多,但我又唔鐘意估底先一炮入,只好宜家開始慢慢入,怕第日更唔捨得入貨...

起源.寫在2017

謹以此Blog記錄一個小薯仔的投資計劃,期望5年/10年/15年後回看,會引起自己的回心微笑...